©2019 by Onenest. Proudly created with Wix.com

CONTACT US 

OneNest, Sector 12, Kharghar, Navi Mumbai, Maharashtra, India

AHMAD FARAZ SHAYARI

Pakistani poet, only second to Faiz Ahmad Faiz in popularity. Rose to iconic stature powered by his seductively romantic and anti-establishment poetry.

shoala tha jal-bujha hun hawaen mujhe na do

sho.ala thā jal-bujhā huuñ havā.eñ mujhe na do

maiñ kab kā jā chukā huuñ sadā.eñ mujhe na do

jo zahr pī chukā huuñ tumhīñ ne mujhe diyā

ab tum to zindagī kī duā.eñ mujhe na do

ye bhī baḌā karam hai salāmat hai jism abhī

ai ḳhusravān-e-shahr qabā.eñ mujhe na do

aisā na ho kabhī ki palaT kar na aa sakūñ

har baar duur jā ke sadā.eñ mujhe na do

kab mujh ko e'tirāf-e-mohabbat na thā 'farāz'

kab maiñ ne ye kahā hai sazā.eñ mujhe na do